बोली तूं सुरतां
जद तांई है
तद तांई सह !
बोली तूं सुरतां यूं आज !
ऐ करमा रा भाटा
बांध्या जिका है राम !
ऐ भरम रा भाटा
रच्या जिका है गाम
दोनां रै बिचाळै
बोलबालो बै !
जद तांई है
तद तांई सह !
कूड़ बात है कविता सूं
जग मांय नाम मिलै !
आ तो बा सूळी है जिण पर
ताता डाम मिलै !
सिसकारी ई करणो कोनी
‘ईसा’ दांई रह !
जद तांई है
तद तांई सह !
***
आत्म हत्या
कणाई-कणाई
आवै है विचार
कै आज कोई रै
घात’र बांथ
मत ज्यावां ।
तो-
कदै-कदै लागै
इण री जरूरत ई कांई है !
***
